How to write a Recommendation Letter?

How to write a Recommendation Letter?

ထောက်ခံစာ တွင်ပါရမည့် အချက်အလက်များ

ကျောင်းအတွက်အလုပ်အတွက် ထောက်ခံစာတောင်းတဲ့အခါမှာ အဓိက အချက်သုံးချက်ရှိပါတယ်။

၁. ညွှန်းခံရသည့် ကျောင်းသား/သူ ဝန်ထမ်း အကြောင်းကို ဘယ်လောက်သိလဲ ၊ သိခဲ့တာအချိန် ဘယ်လောက်ကြာပြီလဲဆိုတာကို စာပိုဒ် သို့မဟုတ် စာကြောင်း နဲ့ ရှင်းပြဖို့လိုပါတယ်။

၂. ထိုသူ ၏ အရည်အချင်း၊ ကျွမ်းကျင်သည့် ပညာရပ်များ ဘာသာရပ်များ ကို အသေးစိတ်ဖော်ပြသည့်အခါ ဥပမာ ကောင်းတစ်ခုနှင့် ရေးသားပေးဖို့လိုပါတယ်။

၃. ဘာကြောင့်သူ့ကို ထောက်ခံပေးရလဲ ဆိုတာကို အကျဥ်းချုပ်ရေးသားပေးရပါမယ်။

ဘယ်သူတွေ Recommendation letter လိုလဲ?

ကျောင်းသားတိုင်း ဝန်ထမ်းတိုင်း ကျောင်းလျှောက်မယ်ဆို လိုအပ်ပါတယ်။

ဥပမာ - စီးပွားရေးကျောင်း MBA program ကို လျှောက်မယ်ဆိုရင် ထောက်ခံစာ ၂ခု ၃ခု လောက်လိုပါတယ်။

ထိုသူက စီးပွားရေး ပညာရပ်များ သို့မဟုတ် ကျောင်းပညာရပ်များတွင် ကောင်းမွန်စွာ ဆောင်ရွက်နိုင်ကြောင်း ထို့ကြောင့် ယခု လျှောက်ထားမည့် စီးပွားရေးကျောင်း တွင်လည်း ထူးချွန်မည့်ကျောင်းသား ဖြစ်မည့်ကို ယုံပါကြောင်း ရေး​သားဖော်ပြဖို့လိုပါတယ်။

**အမှတ်စာရင်းနဲ့ ပေးတဲ့ Merit Scholarship တွေဆိုရင် အမှတ်ကောင်းခဲ့တာတွေ လုပ်အားပေးလုပ်ခဲ့တာတွေ ထည့်ရေးပေးရပါမယ်။

**အလုပ်ရှာနေတဲ့သူတွေဆိုရင် အရင်အလုပ်မှာ ကောင်းမွန်တဲ့ ဝန်ထမ်းဖြစ်ခဲ့ကြောင်း ဘယ်ရာထူးမှာ အချိန်ဘယ်လောက်ကြာထမ်းဆောင်ခဲ့ကြောင်း အလုပ်တာဝန်တွေက ဘာတွေဖြစ်ကြောင်း ရေးသားဖော်ပြဖို့လိုပါတယ်။

(ကိုယ်က ရေးပေးရမယ့် သူဆိုရင်)

၁.တာဝန်ကြီးတဲ့အတွက် ထောက်ခံစာတောင်းရတဲ့ ရည်ရွယ်ချက်ကို သေချာမေးပါ။

၂. ဘယ်သူက ဖတ်မှာလဲ ?ဘယ်ကျောင်း၊ ဘယ်အလုပ်ကဖတ်မှာလဲ ? ဆိုတာ သိမှ ရေးပေးရတာ အဆင်ပြေပါလိမ့်မယ်။

၃. ကိုယ့်ကိုဘယ်အကြောင်းအရာတွေ ရေးစေချင်တာလဲ? ဥပမာ - ခေါင်းဆောင်မူအ​ကြောင်းကို အသားပေးရေးစေချင်တာ ဒါပေမဲ့ သူ့ရဲ့ အရည်အချင်းကိုမသိထားဘူး ဆိုရင် ရေးရခက်ပါတယ်။

အလုပ်ခွင် နဲ့ ပတ်သတ်တဲ့ ကျင့်ဝတ်ဆိုရင် Team work တွေ ethic တွေ ထည့်ရေးရပါမယ်။

**အဖြစ်တတ်ဆုံးက ရေးခိုင်းလိုက်တဲ့သူ က မအားလို့ ကောင်းကောင်းမရေးပေးတာ ဆိုရင် သူ့ကို sign ထိုးဖို့ ပြောပါ။ ပြီးရင်ဆက်သွယ်နိုင်မယ့် Email ကို ထည့်ရေးခိုင်းပါ။ ဟိုဖက်က ပြန်စစ်ရင် အကြောင်းပြန်လို့ရအောင်ပါ။

Copy သိမ်းထားပါ။

စာမှာပါရမယ့်အချက်အလက်များ

စွမ်းရည် ( Leadership potential)

အရည်အချင်း ကျွမ်းကျင်သည့်နယ်ပယ် အားသားချက်များ (Skills, Field, Strengths)

အားကိုးအားထိုက်မှု (Dependability)

ဇွဲ ရှိမှု(Persistence)

ကြိုးစားလိုစိတ်ရှိမှု ( Motivation)

ကိုယ်ကျင့်စာရိုက် ( Character )

လုပ်အားပေးကူညီဆောင်ရွက်တက်မှု ( Contributions )( to class or community)

အောင်မြင်စွာဆောင်ရွက်နိုင်ခဲ့မှုများ ( Accomplishments)

Recommendation letter ကို online က ကူးယူရေးသားတာမျိုး လုံးဝ မပြုလုပ်ပါနဲ့။ ရေးနည်းရေးဟန်ကို သာ အတုယူပါ။

ဒီ Format လေးကို အတုယူရေးနိုင်ပါတယ်။

1. Salutation ရေးသားမည့်သူကို သိပါက Dear Mr, Ms / Dr. [Name]

ယေဘုယျ ခေါင်စီးတပ်မည်ဆိုပါက To whom it may concern,

2. Introduction စာရေးရတဲ့ရည်ရွယ်ချက်ကို အရင်ဆုံးရေးပါ။ ဒီကျောင်းသား ကို ဘယ်လို သိကြောင်းရေးပါ။ အချိန်ဘယ်လောက်ကြာသိလဲဆိုတာရေးပါ။

3. Details ​​လျှောက်မယ့် အလုပ် ၊ကျောင်း အတွက် ဘာကြောင့်သူ့ကို ထောက်ခံပေးရလဲ ဥပမာကို အရည်အချင်း စွမ်းရည် တို့ကို ထည့်ရေးပါ။အကြောင်းအရာနည်းနည်းပိုထည့်လည်းရပါတယ်။

4. Summary ထောက်ခံရသည့် အကြောင်းကို အကျဥ်းချုပ်ပြန်ရေးပါ။ " Highly recommend " Or " recommend ( name) without reservation for [ program / role]. စသည့် စကားစုလေးတွေထည့်ရေးပါ။

5. Conclusion ကျောင်သား ဝန်ထမ်းနဲ့ပတ်သတ်လို့ မေးစရာရှိခဲ့ရင် ဆက်သွယ်နိုင်ပါကြောင်း ထည့်ရေးပါ။

စာရဲ့ နောက်ဆုံးမှာ

စာဖတ်မည့်သူကို သိပါက "Yours Sincerely" မသိပါက " Your faithfully"

6. Sign the letter

လက်မှတ်ထိုးပါ။ နာမည်နှင့်ရာထူးကိုရေးပါ။ Email . Phone number ထည့်ရေးပါ။ Print ထုတ်မယ်ဆိုရင် နာမည်အောက်မှာ လက်မှတိထိုးပါ။

Recommendation Letter ရေးနည်းက ဒီလောက်ဆို ပြည့်စုံပါတယ်။

Peace ,

A